Er ekki kominn tími á að menn fari að axla ábyrgð og segi af sér?!?!?

Ég ætla að vera góð fyrirmynd fyrir ákveðinn spánverja. Hér með segi ég af mér sem penni á þessu helvítis bloggi, ef blogg mætti kalla.

 

Farið til helvítis

Heyrðu ég veit ekkert hvað ég á að skrifa um.... það eina sem ég geri er að vakna, borða, tek pásu frá því að borða, fer út í skóla að læra, tek pásu frá því að læra, fer að kúka, tek pásu frá því að kúka, held áfram að læra, tek pásu frá því að læra, held áfram að borða, tek pásu frá því að borða, held áfram að kúka, tek pásu frá því, held áfram að læra, tek pásu frá því að læra, held áfram að sofa.

Gæti kannski skrifað um rassana á öllu flottu stelpunum sem eru mættar á safnið. Það er nú kannski ekkert mega langur listi, en það er ávallt gaman að ræða um rassa.
Þetta er skrýtið hvað það koma alltaf margar flottar stelpur með rassana sína á bókasafnið um prófatíð, nú í kvöld þá er maður búinn að sjá 2 nýjar sem vonandi sjá minn hag (og allra réttsýnna karlmanna) í að halda áfram að mæta á safnið meðan á þessu blessaða prófa stússi stendur. Hvar heldur þetta lið sig eiginlega yfir önnina? Allar að lesa mannfræði eða ferðamálafræði einhver staðar heima hjá sér?

Jæja ég nenni þessu ekki lengur, þetta hefði getað orðið miklu betri og lengri færsla ef að maður hefði nennt að leggja einhvern metnað í þetta en ég ætla að fara taka pásu frá því að taka pásu og halda áfram að sofa.

Læt samt fylgja með einn Foghorn Leghorn vegna gríðarlegra vinsælda sem sá spéfugl hefur aflað sér á seinustu vikum og árum.

It's official DAVÍÐ ÖRN GUÐNASON lenti í 2.sæti í íslandsmótinu í BJJ (brazilian jiu jitsu) um helgina! 

 

Sjáiði þennan svip!!! Þetta er rosalegt, ég myndi alla vega ekki vilja vera með andlitið á þeim stað sem að gaurinn í dökkbláa gallanum er með það.
Nú ætti maður ekki að þurfa að hafa áhyggjur af veseni ef maður fer niðrí bæ með þessum hálf íslenska og hálf brasilíska jiu jitsu kappa. Maður sem að lendir í 2.sæti í íslandsmótinu í BJJ (brazilian jiu jitsu) ætti ekki að vera í vandræðum þegar kemur að þvi að taka svefntak á e-a út úr poppaða ungketti (e.young cats).

 

Ég læt fylgja með eitt stykki Foghorn Leghorn mynd sem ég vill tileinka Davíð. 

 

Jæja nú er alltof stutt síðan að ég bloggaði seinast en hvað gerir maður ekki fyrir ykkur lesendur. Vegna þess hvað er stutt síðan þá ætla ég ekkert að hafa þetta of langt, því ég veit að internet hringurinn hjá fólki getur dregist á langinn. Þó auðvitað mætti eyða helmingi meiri tíma í að lesa mín frábæru skrif í stað ruglsins um hvað HR sé góð félagsmiðstöð til dæmis þá nenni ég ekki að skrifa langa færslu. Þannig að í staðinn fyrir að lesa einhverja "við erum jafn góð og þið, í alvörunni" sögur þá mæli ég með því að þið lesið þessa færslu tvisvar.

Litli frændi minn var í heimsókn hérna í dag og mér finnst svolítið hjákátlegt hvað barnaefni hefur breyst, efni eins og Latibær, sem að ég vill meina að sé mannskemmandi sýra. Þar er á ferðinni maður sem elskar að klæða sig eins og fífl, hefur fetish fyrir dúkkum og á í einhverju vægast sagt skrýtnu sambandi við stelpu sem er alla vega 20 árum yngri. Ef hún væri 20 árum eldri þá myndu þættirnir ekki heita Latibær heldur MILF hunter, þess má einnig geta að það eru einmitt svona menn eins og Sportacus sem að fréttaþættir eins og Kompás nærast á. Myndir þú hleypa Sportacus inn á þitt heimili? Líklegt.
Hvar eru allar gömlu góðu teiknimyndirnar sem maður horfði á þegar maður var lítill, teiknimyndir eins og allar Warner Bros. teiknimyndirnar, þ.e.a.s. Daffy Duck, Bugs Bunny og fleiri góðir. Þar var saklausu háðslegu ofbeldi gert hátt undir höfði og ungu fólki var kennt að litli maðurinn þyrfti ekki alltaf að tapa og lífið væri eintóm barátta þar sem að þú þyrftir oft að nota straujárn og sleggjur til að verja þig. Tommi og Jenni til dæmis áttu alltaf stóran sess í mínu hjarta, ég gat tengt mig vel við Jenna. Eldri bróðir minn heitir Tómas, kallaður Tommi og ef þú tekur út tvo stafi og setur inn fimm stafi í nafninu Jenni þá færðu út Kristinn, þá urðu oft stympingar milli okkar bræðrana eins og hjá Tómasi og Jens. Hér eru á ferðinni greinileg tengsl sem að hver sem er getur séð. Þannig að ég mæli með því að fólk fari að láta börnin sín horfa á þætti þar sem að boðskapurinn er ekki bara að það sé geðveikt kúl að geta farið í spíkat og búa í loftbelgjum.

Ég ætla að láta fylgja með teiknimynd með einhverjum mesta snilling í sögu hins teiknaða heims, hér á ferðinni kjúklingurinn Foghorn Leghorn sem að fékk aldrei það credit sem hann átti skilið hjá almenningi. Njótið vel.

Einnig þá setti ég myndir frá ævintýraför míns og Tóta Hauks til Svíþjóðar en þar heimsóttum við Nonna í Uppsala og Eyjó í Gautaborg. Of langt mál að fara í þá ferðasögu hér en hún er epísk skal ég segja ykkur.

bæbæ

 

Þessi maður er náttúrulega bara meistari! Klárlega mín fyrirmynd í lífinu.

Bandaríski leikarinn Bill Murray var á dögunum handtekinn í miðborg Stokkhólms á golfbíl sagði við frumsýningu á nýjust mynd hans, The Darjeeling Limited, að atvikið hafi verið meinlaust spaug. „Lögreglan bað mig um að koma og ræða við sig. Þeir gerðu ráð fyrir því að ég væri drukkinn en ég sagði þeim að það væri eðlilegt enda væri ég kylfingur,“ sagði Murray.

Murray tók þátt í Pro/Am móti sem haldið var í tengslum við Skandínavíu-meistaramótið á Evrópumótaröðinni. Eftir að mótinu lauk fékk hann far með golfbíl í veislu. Þegar veislunni var lokið var enginn sem vildi setjast undir stýri á golfbílnum og bauðst Murray til þess að taka það sér. Á leiðinni til baka var hann stöðvaður af lögreglunni. Blóðsýni var tekið af leikaranum en hann neitaði að blása í áfengismæli. Talsmaður lögreglunnar í Stokkhólmi á ekki vona á því að Murray fái fangelsisdóm fyrir brotið en hann gæti átt von á hárri sekt.

Svona á að gera þetta krakkar mínir.

Ég var að hugsa um að skrif e-ð um diskana hjá Kanye West og 50 Cent eeeenn nei.

Jæja gott fólk þá er maður mættur á svæðið eftir um tveggja mánaða pásu en eins og fólk man þá var ég búinn að vera fáránlega duglegur í blogginu og það mun ekkert breytast.

Hérna er smá update á sumrinu.... ég er búinn að vinna hjá bænum í allt sumar við góðan orðstír. Það eru margir góðir menn og (einnig dömur) að vinna hjá bænum, nema kannski gaurinn sem er yfir slættinum. Ég veit ekki alveg hvernig ég myndi lýsa honum en einhver kallaði hann fjandans hlandpramma. Hann getur tekið sig til og verið þolanlegur en þess á milli er hann.... eins og áður sagði (ekki mín orð ) fjandans hlandprammi.
Nú er eitthvað verið að tala um að í þessari viku og þessari viku aðeins, muni 2 legends úr sláttubransanum mæta í Seljana og slá fyrir allan peninginn. Við erum að tala um.... beint frá Svíþjóð, hann JOLLA HÉÐINS. Fyrrverandi þykjustu háskólanema og núverandi Atvinnumann í knattspyrnu og perraskap hjá GAYS í Gautborg, spurning hvort hann fái borgað í pulsum. Ha ha ha helvíts perrinn.
Hinn helmingurinn af þessu tveggja manna sláttuteymi er Gunnar Jarl Jónsson, fv. starfsmaður B4, leikmaður Leiknis (má nú deila um það ) og núverandi útvarpsstjarna á 101 komma fimm. Þar stendur hann sig með þvílíku prýði við það að rýna í íslenska knattspyrnu og einnig stendur hann sig með prýði að koma Sigurbirni Hreiðarssyni á sporið þegar hann er búinn að babbla og villast í eigin spurningu í svona 5 mín. Þeir sem vilja mæta á svæðið eru beðnir um að hringja á undan sér því stólapláss er takmarkað.

Annars þá fór ég einnig til Danmerkur á hina sívinsælu Roskilde Festival eða eins og við íslendingar þekkjum hana, Hróarskeldu hátíðina. Fyrir þá sem ekki þekkja, þá er þetta svona eins og Eyjar, bara skemmtileg. Ha ha ha. Takk fyrir, takk fyrir. Nei segi svona Eyjar eru fínar...... fyrir heróínfíkla kannski.... hahaha.
En já ég tók nokkrar myndir þar (357 myndir reyndar) og hægt er að finna þær hér til vinstri. Þær eru reyndar stundum í asnalegri röð þar sem að tölvan tók þær eitthvað asnalega úr vélinni. En ég segi fuck it eins og svo oft áður. Njótið vel. Heyrðu þá er þetta bara komið í bili

Bæ bæ

hérna kemur smá sería frá hátíðinni.

 

 

 

 

Þá er það orðið opinbert (eins og það hafi ekki löngu verið það ), Heimir Karlsson veit EKKI NEITT um fótbolta.

Jæja..... þá hefst sumarið opinberlega á morgun, fyrsti vinnudagurinn mun ganga í garð. Þar sem að ég "vinn úti" þá finnst mér gaman að þeirri staðreynd að í þessum töluðu orðum þá er ógeðslega mikið haglél. Þetta þýðir bara.... tvennt, annars vegar það að ég þarf að hækka hitann i miðstöðinni og hins vegar að krakkarnir þurfa að koma með hlý föt.

 Einnig er gaman að þeirri staðreynda að það er mánuður síðan að ég bloggaði seinast. Spurning hvað gerist eftir annan mánuð??? Þið bíðið bara spennt.

Jæja lesendur góðir það er kominn tími á að þig hættið að hlusta á skít og hlustið á eitthvað af viti. Downloadið þessum disk

Það má einmitt geta þess að þau eru að fara spila á Roskilde í sumar... það verða ekki leiðinlegir tónleikar.

Nú er verið að tala um það að bærinn Roskilde sé ansi aðlaðandi dagana 5-8 júlí. Ég veit ekki með ykkur en held það séu mjög mjög mjög miklar líkur á því að ég heimsæki þennan bæ þá. Heyrst hefur að æðsti prestur dansflokksins Jón Árni er frábær, hann Jón Árni sé staðfestur sem ferðafélagi. Nú spyr ég þig kæri lesandi, ætlar þú að missa af atburði sumarsins dagana 5-8 júlí???

 

Spurning hvort þessir menn mæti aftur?

Ég var að enda við að horfa á einhverja mestu snilldar kvikmynd sem ég hef á ævi minni séð. Myndin heitir Zidane, A 21st Century Portrait. Þessi mynd er sennilega eitt af betri verkum sem ég hef séð um ævina, hér er verið sýna einn mann spila fótboltaleik í 90 mín.
Myndatakan er ótrúleg, hann er sýndur frá öllum hliðum þannig að manni finnst maður þekkja hann eða eins og maður viti hvað hann er að hugsa. Hljóðið í myndinni er einstakt og það hvernig þeir ná að koma manni inn í hans heim með því að nota umhverfishljóðin er alveg fáránlega flott, tónlistin, sem er btw eftir Mogwai, er einnig algjört meistarverk. Það er alveg fáránlegt eins og maður er búinn að horfa á marga fótboltaleiki um ævina þá upplifir maður eitthvað svo miklu meira með þessari mynd. Manni líður eins og maður viti hvað hann er að hugsa og sjái það sem hann sér, jafnvel þó maður sjái einungis hann 99% af myndinni. Hún vekur upp furðulegar hugsanir, hugsanir sem maður lætur sér aldrei detta í hug venjulega yfir fótboltaleik.

Ég get vel ímyndað mér að þeir sem eru ekki miklir fótbolta áhugamenn eða þeir sem hafa ekki gaman af "öðruvísi" kvikmyndum eiga erfitt með að finnast þessi mynd góð en þeir mega líka bara fara til helvítis.

Þessi mynd sýnir líka hvað Zidane gerði fótboltan að miklu listaverki, hreyfingarnar hjá manninum eru engu líkar og ef manni langar ekki að fara beint út í fótbolta eftir þessa mynd þá er eitthvað að. Ég myndi líka segja að ef einhver nær að sannfæra stelpu um að horfa á þessa mynd sem fyrsta date eða eitthvað álíka, hann fær klárlega 2 prik í kladdan. Og enn fremur, ef stelpan fílar myndina þá er hún enn meiri meistari.

 

Áfram fótbolti

 

Jæja góðir hálsar þá er sá tími genginn í garð sem alla námsmenn hryllir við, því jú það er komin apríl og nú þarf að hætta að skemmta sér um helgar og hafa það leiðinlegt. Kíkja í eina tvær.... alveg upp í sex bækur kannski og læra þangað til maður byrjar að skíta formúlum og fleiru skemmtilegu. Í tilefni þess að ég mun ekki vera við ölvun kenndur þangað til 15.maí þá mun ég hafa sett inn myndir af Aðalfundinum hjá verkfræðinni og svo föstudeginum langa. (Folder númer 33 og 34)

Það markverðasta sem gerðist á Aðalfundinum var að Svala borðið bar höfuð og herðar yfir menn og konur í öllu sem við kemur dólgum og látum. Einnig unnum við keppnina, hver getur stolið flestum bjórum...komumst reyndar seinna að því að við vorum einu keppendurnir.
Svo virðist sem sprottið hafi upp miklar umræður eftir þennan fund um hvort kjósa ætti stelpur í embætti bara af því að þær eru stelpur og eru eitthvað minnimáttar eða eitthvað á þá leið...Veit ekki alveg hvað er í gangi þar. Þeir sem hafa áhuga/ekkert að gera geta kíkt á bloggið hjá Ernu hér til hliðar og sagt sína skoðun. Mín persónulega skoðun í þessu máli er að Svala borðið hafi verið Svalasta borðið...litlu mátti samt muna að það hefði orðið klofningur innan Svala borðsins á tímabili, en þetta var einmitt á sama tíma og leikurinn buffaló* stóð sem hæst og einnig þegar við vorum að rústa "stelu keppninni". En þannig var að Knútur varð afar óánægður með að enginn á borðinu vildi fá pizzu með skinku heldur vildu allir pepperoni, . Varð hann þá fokillur og hótaði klofningi og ætlaði sér að stofna annað borð, svokallað "skinku borð", og ég held að við getum öll verið sammála því að það hefði ekki verið nærrum því jafn svalt og Svala borðið. Ástæðan fyrir þessu kasti hans Knúts má sennilega rekja til þess að hann er afar vinsæll í Þýskalandi þessa dagana og fær allt upp í hendurnar. En allt fór vel á endanum og Knútur fékk skinku pizzu og hélt áfram að myndast óvenjulega illa eins og hann hafði gert allt kvöldið.

Eitt af betri momentum kvöldsins var svo þegar við vorum nærrum því búnir að fá Ara Ólafsson kosinn í formann Vélarinnar. En þess má geta að Ari var ekki á svæðinu og heldur ekki meðlimur í Vélinni. Við sendum Trausta a.k.a Tussi Þruma a.k.a Hrökkbrauð upp til að halda ræðu því ekki nema þessir helstu vissu hver Trausti var og auk þess vissi liggur við enginn hvernig Ari leit út. Því miður tussaðist Trausti til að guggna á þessu og lét vita hver hann væri.
Eftir þetta var svo barinn opnaður og rauk áfengið út (frítt eins og venja er) og það sterka kláraðist á nóinu og eftir mikla drykkju þá var lítið eftir en af einhverri ástæðu voru heilu tonnin af Breezerum, það var einn maður sem hataði það ekki og það var hann nafni minn og lærisveinn Teits Þórðarsonar, hann Kristinn Jóhannes Magnússon sem hér með verður kallaður Kiddi "léttur vindur" eða Kiddi "gola".
Eftir þetta hélt fólk áfram að drekka og nýja stjórnin hellti í glösin, fólk dansaði og bla bla bla, fór niðrí bæ og þar höfum við það.

 

Föstudagurinn langi, hann byrjaði með því að leið okkar átti að liggja í party til Gulla þar sem samkvæmt Davíð Erni Guðnasyni átti að vera party til að fagna heimkomu þeirra hjóna. En þeir eru búnir að búa hamingjusamir saman í Florida núna í marga marga mánuði (það er að segja þangað til að þeir komu heim, þú skilur). Svo þegar líða tekur á kvöldið og maður gerir sig tilbúinn að leggja af stað þá fær maður símtal þess efnis, að það sé ekkert party hjá Gulla og enn fremur að Gulli hafi aldrei verið búinn að segjast ætla halda neitt party. Þessir helstu spekingar vilja meina að þarna hafi Davíð verið of lengi í Florida sólinni og fengið svokallaðan "sólsting". Þakka þeir guði fyrir að Davíð sé loks kominn heim og sé kominn á staðinn þar sem hann á heim, atvinnulaus að spila XBOX 360.
Nú voru góð ráð dýr og var farið í það að redda einhverju skemmtilegu og enduðum ég og Þórarinn Hauksson, áður þekktur sem Tazmaníu Tóti, í Nintendo Wii party-i með bróðir hans Tóta og félögum hans. (Segið þessa næstu setningu eins og þið séuð gaurinn í Vörutorginu á S1) Óhætt er að segja að þetta tæki sé mikil snilld og að geta spilað tennis, keilu og ja bara hvað sem er, einungis með því að hreyfa hendurnar eins og vitleysingur er algjör snilld. Vinsælasti leikurinn var samt án alls efa, hver er fljótastur að mjólka kúnna? En þar þurfti maður að hreyfa hendurnar eins hratt upp og niður og fylla þrjár fötur af mjólk. Þess má einmitt geta að Hlynur bróðir hans Tóta er meistari í þessum leik og hefur greinilega strokkað spennann þó nokkrum sinnum um ævina.
Eftir þetta Wii party var haldið á vit ævintýranna og kíkt á Fjölnisveg þar sem meðlimir dansklúbbsins Jón Árni er frábær, og einnig fleira fólk var saman komið. Það helsta sem gerðist þar er að það var einstaklega gaman, Jón og Sólstings Davíð fóru í bjórslag og það var stolinn af mér Opal peli. Við skulum nú ekki gleyma að einn af the party goers, enduðu á stað þar sem ekki margir hafa komið. Sögur segja að þegar þú kemst á þennn stað þá mæta þér regnbogar og dúfur. Þetta hefur ekki fengist staðfest.

 

 

Það var einnig eftirminnilegt þegar Þórarinn Hauksson ákvað daginn eftir að semi æla úr hlátri á KFC.

Meira var það ekki að sinni, ég get ekki beðið eftir 15.mai (eftir kl 17 þeas).

 

*drykkjuleikur sem felst í því að þú átt alltaf að drekka með öfugri hönd, rétthentir drekka með vinstri og öfugt. Svo þegar einhver verður vitni að því að leikmaður brýtur reglurnar þá byrjar þú að syngja/öskra buffaló lagið. En það hljómar einhvern veginn svona: Buffaló buffaló buffaló.... buffaló buffaló buffalóóóóó... Buffaló buffaló buffaló BUFFALOOÓÓ BUFFALÓ. Þið kannist við þetta.

Ég fékk símtal í morgun, það var hún Sigríður á skrifstofunni á Bækistöð 4 (B4). Hún var að láta mig vita að ég væri kominn með "vinnu" þar. Það lítur allt út fyrir að maður snoði gras og þrykki í plast enn eitt sumarið..... Fyrirgefiði þetta var ekki alveg rétt hjá mér, það lýtur allt út fyrir að ég sitji inni í bíl og tjilli meðan ég segi öðrum að fara út að snoða gras og þrykkja í plast. Nema það sé gott veður, þá gæti verið að maður taki til hendinni.

Ég mæli eindregið með því að fólk sæki um þarna, auðveld vinna fyrir góðan pening.

Það lítur allt út fyrir að maður verði edrú á föstudaginn, það er nefnilega aðalfundur Vélarinnar þar sem það er boðið upp á ógeðslega mikið frítt áfengi allt kvöldið. Og fólk mun ekki hætta fyrr en Dionysus, barþjóninn, er búinn með birgðir sínar. Spurning hvort að Dansklúbburinn Jón Árni er frábær, taki snúning um kvöldið en það var einmitt fyrsti fundur hjá klúbbnum um seinustu helgi og samkvæmt óstaðfestum fregnum þá var dansað til að gleyma. Annars man ég það ekki.

Einmitt...